陳婉衡IG短片疑似變臉？「咪神」曾高達130磅靠運動成女神

陳婉衡（Alycia）因為喺TVB節目《3日2夜》及《Go! Yama Girl》大騷36E好身材人氣急升，佢亦好大方咁經常喺IG大派福利相，每次網民都熱烈讚好；陳婉衡近日就喺IG限時動態上載自拍短片，片段中陳婉衡個樣就有啲同唔同平時，唔單止有個超厚唇，下巴仲要變得極尖，疑似變臉，不過原來陳婉衡只係貪玩用咗變面Filter，女神模樣依然健在。

陳婉衡出名係TVB數一數二嘅「咪神」，平日中意行山、健身，仲考埋個健身教練牌，所以長期keep住零贅肉、結實腹肌，仲有個蜜桃臀。陳婉衡不時分享3點式泳衣與Bra top襯貼身瑜伽褲嘅照片，試過畀網民留言問及：「條腰有無20吋？」，早前一張泳衣照以英文寫道：「Resting beach face」，一個鐘內已有近2000個讚好。

不過，陳婉衡曾經透露宜家呢副身型係靠運動後天鍛練返嚟，以前喺加拿大讀書時期嘅佢可以話係零運動，仲係一個體重高達130磅嘅肥妹仔，跑步永遠都包尾；後嚟因為參選溫哥華華裔小姐及香港小姐而進行極端減肥法，試過節食、一日入面只食一個蘋果及一塊梳打餅，又食過減肥藥，結果搞到身體差晒，身型又唔結實，最後喺朋友遊說下嘗試健身，逐漸變成宜家嘅Fit爆身形，陳婉衡中意運動嘅程度唔單止每星期有三、四日都會健身，就連揀男朋友都希望對方係運動型。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！