傳前「東張女神」利穎怡將離巢TVB轉投HOY TV IG上載黑白照疑暗示工作有新動向

現年36歲嘅前「東張女神」利穎怡（Joan）一向勇字當頭，過往曾為《東張西望》追訪過唔少危險事件，獲網民大讚專業及勇敢，不過佢喺2022年9月離開《東張西望》後轉型做演員，但演出嘅劇集戲份並不多，近日有消息指零工作嘅利穎怡將離巢TVB轉投HOY TV，而佢喺日前亦有喺IG出PO並疑暗示工作有新動向。

利穎怡離開《東張西望》後，曾喺IG透露被監製游說重返《東張》，不過近日有消息佢將離巢TVB轉投HOY TV，而日前佢喺IG出PO，上載黑白個人照並疑暗示工作有新動向話：「#夏至，懸念完了。所有激勵的話，配上實際行動才有意義。fear kills more dreams than failure ever will #多謝好多正能量人給我的推動力 #利穎怡 #starttoday #pushyourself #頹夠啦 #雨都停啦」。呢個PO一出，唔少網民都紛紛留言支持，例如「Fans對你的不離不棄係你繼續前進的動力之一喔」、「機會係留畀有準備嘅人!」、「睇到呢三張相，諗起一首歌，鄧麗欣，黑白照。期待妳幕前演出，應該参加福綠壽訓練學院。」及「加油，一直支持你」等等。

利穎怡喺多倫多大學畢業後回港發展，加入無綫初期，佢曾經喺唔少劇集主角嘅武術替身，例如鍾嘉欣及郭羨妮等等。其後佢加入《東張西望》團隊，表現被網民讚賞。除咗主要負責主持《東張西望》之外，佢同時都有拍攝劇集，不過就以配角及閒角為主，例如《My盛Lady》、《忠奸人》、《愛·回家之開心速遞》及《陀槍師姐2021》等等。直至前年9月離開《東張西望》後轉型做演員。至於感情方面，佢喺2019年被爆出與圈外男友結婚，Joan一直都將感情事低調處理，所以甚少喺社交網站放過閃。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！