圈中小富婆傅嘉莉自爆中六合彩 上載投注紀錄分享喜悅：人生第一次

馬會為慶祝成立140周年，推出兩輪各7,000萬元六合彩金多寶攪珠，唔少人都抱著「搏一舖」心態買六合彩，而第二輪就喺前晚（28日）攪珠，結果有3注頭獎得主，每注派超過3360萬獎金。過往都有娛樂圈中人得到幸運之神眷顧，成功中獎，傅嘉莉（Kelly）都喺社交網站自爆中獎。

傅嘉莉喺IG限時團體，上載一張投注紀錄嘅圖片，並寫上「人生第一次 唔好叫我請食飯」，與網民分享中獎喜悅。喺圖片中所見，傅嘉莉下注70蚊，佢好幸運地中三個半字，獲得1000蚊獎金。雖然獎金唔算多，不過唔少網民已經好羨慕佢中獎。

現年39歲嘅傅嘉莉唔經唔覺入行逾20年，佢因經常喺劇集中飾演性感及小三角色，所以被封為TVB「御用邪花」。繼上年喺《香港人在北京》精湛演技，今年再喺《法證先鋒VI倖存者的救贖》嘅演技令人括目相看，一改以往嘅花瓶形象。

傅嘉莉幕前工作唔算多，不過佢近年越來越富貴，係圈中小富婆，有指佢除咗有司機管接管送之外，佢分別喺上年及今年一月購入跑馬地及淺水灣道豪宅，坐擁共值7千萬嘅物業。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！