環球趣聞｜廣告新出路？日本「新坑渠蓋」賣廣告吸引遊客目光

唔知近日大家有無發現香港好多地方都換咗新坑渠蓋，由以往單調嘅黑色圓形蓋換成彩色蓋，上面通常係該地區議會名稱，無疑為城市加添幾分色彩。但類似做法原來於日本早已存在，最有名就係崎玉縣所澤市，所澤市利用渠蓋作為廣告宣傳及藝術展示已有多年經驗，每年廣告費收入約有700萬日圓（約40萬港元），一般租用一個渠蓋可按1至3年收費，3年的話約30萬日圓。

因為所澤市為高達作者安彥良和所居地，因此有唔少高達宣傳渠蓋，吸引大量Fans慕名而來打咭；如今亦有其他動漫宣傳例如《新世紀福音戰士》等。除咗一般動漫作品外，於2020年時所澤市曾因為新場所「所澤櫻花城」開放，於是喺JR站附近油上30多個不同動漫人物，遊客可以逐一發掘呢。所澤市政府其實一開始只係諗住用新方法開源搵錢，因為面對人口減低造少嘅收入暴跌，於是諗到用坑渠蓋賣廣告。目前全日本有唔少市鎮都參考所澤市，開始對渠蓋動手，以後大家去日本時記得唔好忽略腳下風景喇。

按此下載全新Yahoo APP，緊貼城中好去處、Staycation攻略、行山路線、野餐地點推介，仲有新人禮等你拎，立即下載！

相關文章：

環球趣聞｜網紅坐飛機遭後座小童狂踢 倡航空公司推「無小童航班」惹熱議

​​環球趣聞｜日本壽司大廚拆解 日本人根本不會吃的外國壽司

環球趣聞｜日本網民一張圖了解北海道有幾大：「千萬唔好諗住坐的士！」