環球趣聞|日本網民一張圖了解北海道有幾大:「千萬唔好諗住坐的士!」
日本有多個縣,其中旅遊熱點當然包括最北面嘅北海道,冬天睇雪、夏天睇花,加上沿海有多種海鮮美食,絕對旅遊一大享受。近日日本論壇就有一個有趣貼文,一位網民去到北海道新千歲機場,諗住坐的士時見到一塊版上面寫住去北海道各大城市嘅的士參考收費表,當堂大吃一驚「原來北海道大得咁誇張!」最近城市係出返市區札幌,為12,400日圓(下同),約$560港幣!其他熱門地點例如小樽則要21,600日圓、富良野為30,900日圓,最遠為南部函館,高達65,500日圓!
事實上北海道為日本最大縣府,單睇面積已有全日本5分1大,等同兩個九州及38個東京!有唔少網民都話初次去北海道旅遊時,有諗過以的士作為接駁,但其後發現每程車都幾乎幾人破產,於是要臨時轉變計劃乘坐其他公共交通工具,所以呼籲其他旅客一定要計劃清楚呢!
按此下載全新Yahoo APP,緊貼城中好去處、Staycation攻略、行山路線、野餐地點推介,仲有新人禮等你拎,立即下載!
相關文章:
旅遊趣聞|帶麥當勞早餐入境澳洲 旅客竟被重罰$15,000?
港日文化大不同!居港日本人讚港人「愛讓座+包容性高」? 網民突破盲點:讓位係怕俾人公審、唔催單係怕被加料!