漏口風恭喜準新娘超蓮 阿Sa巴黎勇敢抗賊 揈手袋攻擊

早前到英、法兩地工作的女星蔡卓妍，甫返港即出席活動，對於好友容祖兒在外地被偷去名牌手袋，她即自爆外遊時必把財物夾在心口，又自爆曾在巴黎以手袋抗賊！另外，同場的古天樂日前拍攝一場在水底被困箱中的戲份，不單要閉氣解鎖冇「孭樽」，更發生意外縫9針！

古天樂、蔡卓妍（阿Sa）、新一代男神魏浚笙、歌手Tyson Yoshi及「宅男女神」吳家忻（Kayan9896）等，昨日在尖沙咀一個商場出席活動，吸引大批Fans聞風而至，把商場擠得水洩不通。論全場最吸睛，莫過於以皮褸配Bra Top型格上陣的吳家忻，她說：「我不嬲都性感，最性感係自己嘅態度。」

前晚剛由倫敦返港的阿Sa，對於容祖兒在美國被偷去朋友所送的手袋，她說：「嚇死我！個袋唔係我送，佢個朋友咁好嘅，可唔可以介紹我識？」她又分享旅行時的抗賊妙方，稱會自備安全夾，把信用卡等夾在心口，她笑說：「祖兒又唔講，下次我送個畀佢啦！以前試過去巴黎工作時，有人嚟搶嘢，本能反應下我用手袋『窩』對方。」

談及下月結婚的陳家樂，阿Sa指對方已來電：「如果有時間又喺香港，我會出席婚禮，未諗送咩，不過係咪送BB嘢？希望佢哋快啲有BB，都差唔多喇！」至於賭王三房千金何超蓮有傳同樣於下月結婚，阿Sa初時說：「之前喺倫敦撞到佢，我有同佢講恭喜。（佢咩反應？）正常都會講多謝。」此時她即收口，並反問：「佢係咪公布咗？不如由佢自己講番，我乜都唔知。（當時超蓮一個人行街？）唔知呢！」

古天樂拍戲縫9針

同場的古天樂透露，早前拍水底戲時閉氣沒有「孭樽」，期間更發生意外：「有場戲被困喺水底嘅水箱之中，解鎖時畀扇葉割傷手指，縫咗9針，依家已經好番晒。」他主演的新片《掃毒3：人在天涯》將與梁朝偉的《金手指》同樣在暑假檔上映，他說：「我相信電影公司唔會咁蠢，安排兩部戲同期對撼，但暑假檔開始有啲大片上映，係一件好事。」