與MIRROR平起平坐 ERROR：皆大歡喜

【星島日報報道】ERROR、MIRROR及C AllStar同奪新城「勁爆組合」，提到終有機會跟同門睇齊，ERROR的梁業（肥仔）、何啟華（阿Dee）、郭嘉駿（193）和吳保錡不離搞笑本色大讚：「唔分金銀銅獎做法聰明，終可同MIRROR平起平坐，冇對比就冇傷害，因我哋呢世都攞唔到金獎！」保錡笑指找家燕媽媽頒獎本就是蘊藏「皆大歡喜」的意思。

提到失落新人獎，193稱沒失望亦對獎項沒期望。有期望的肥仔發現快歌較難得獎，籌備下年會唱慢歌，寄望明年阿Dee和保錡爭氣。阿Dee卻指不會單飛，重提被嘲唱得難聽，指邊度跌就要在邊度起身，一定要唱出完整《相依為命》才出歌；保錡卻更正他說：「叫咗你邊度跌要邊度claim保險呀！」並透露自己籌備出歌，四子亦準備新團歌，只待一位曾合作過的人氣女主角拍MV，望MV於明年第一季面世有驚喜。問到之後頒獎禮有否信心？193笑稱好有信心不會有獎，預了坐足一晚，趁機用咖啡幫助他提神；肥仔笑言望大家寫信求情或可改寫賽果。文：林子棠

圖：譚志光、朱偉彥

■ERROR不失搞笑本色，訪問期間繼續插科打諢。

■ERROR預告將拍新MV。

■ERROR、MIRROR及C AllStar同奪新城「勁爆組合」。

娛樂