裸買店倡環保養寵 售可降解便便袋 寵物食品按量收費「每樣試少少」免浪費

【Yahoo 新聞報道】飼養寵物容易造成大量浪費，被「主子」嫌棄的寵物食品、盛載便便的膠袋等，都對堆填區構成負擔。有裸買店出售一系列寵物用品及食品，除了可降解便便袋，食品更是按量收費，讓一眾毛孩淺嘗新產品，「每樣試少少」避免浪費。該店盼為顧客建立「寵物食品都可以裸買」的消費習慣，與毛孩一同環保減廢。

記者：Carmen C.

攝影記者：H.H

環保裸買店「環圓生活Loop Store」位於西灣河，最初出售的貨品大多供「人類」使用。因該區不少居民有飼養毛孩，該店遂引進寵物相關貨品，吸引不少客人放狗時登門造訪。「環圓生活」創辦人Bear早前小試牛刀，在店內舉辦寵物專題裸買活動「Loop Store汪汪村」，以一般最容易造成浪費的寵物食品為主打。由於反應不俗，Bear決定將部份產品常設化。

剩食製寵物鮮食包

環保養寵，可從改變消費習慣開始。Bear指一般寵物消耗較多的是食物類產品，第一步可選購一些具環保理念的寵物食物品牌，其中FurryGreen的寵物鮮食包由外表「唔靚仔」的蔬菜所製，藉以減少剩菜浪費。店內亦提供不少狗狗食品的裸買選擇，包括天然無激素雞胸片、魚塊、符合美國環保條例生產的狗餅等。「好多狗糧唔係真係可以密封好存放，或者開咗陣食咗一半就唔食，就會浪費」。

為了保持地方清潔，不少放狗者會帶備膠袋放置狗狗的便便。Bear亦有出售可降解的便便袋「Invisible Poo Bag」，使用便便袋拾起便便後，可放到廁所沖走，到達污水處理廠後會被微生物分解成二氧化碳及水。如果便便袋棄置於糞便收集箱，到達垃圾堆填區後亦可在厭氧環境下被生物降解。

「同樣價錢可以試好多款」

飼養小型狗隻的阿鋒和菁怡指，約一年前從裸買寵物食品開始，嘗試以較環保的方式養寵。其狗狗體型較小，食量亦較少，若新購的食物不合狗狗心意，很多時「成袋就咁就擺咗喺度」，以「裸買」方式購入寵物食品便可「每樣試少少，同樣價錢可以試好多款」，了解寵物的喜好之後才購入大包裝，便可減少浪費。

阿鋒和菁怡亦會選購以分裝形式出售的有機寵物皂液，可減少污染及膠樽廢物。菁怡指，「有機沖涼液試完覺得幾清爽幾ok，就可以再嚟唧多啲買多啲，好過買一大樽嗰啲但唔啱用」。加上有機皂液不添加香精，不會影響嗅覺靈敏的狗狗。

盼發展寵物玩具共享

該店第一階段的寵物食品裸買計劃反應良好，Bear希望第二階段發展寵物玩具或物品共享，「可能買咗返去佢（貓狗）唔係幾喜歡玩個玩具，希望有個回收活動，再派返比有需要嘅人，咁會有意思過賣更多嘅產品」。

【環圓生活 Loop Store】

地址：西灣河太祥街太祥樓地下 K 舖

環圓生活 Loop Store facebook

• 更多綠色新聞🌍資訊，即睇「Yahoo可持續發展」專頁！