豪遊咖啡｜陳豪袁偉豪視頻點擊率大對比 袁偉豪輸9條街？網民：拍豪遊軟飯啱佢

由陳豪（Mo）及袁偉豪（Benjamin）主持嘅飲食節目《豪遊咖啡》已播映完畢，陳豪與袁偉豪分別於節目邀請李佳芯（Ali）、黃翠如、胡定欣、黃智雯等嘉賓，解構發掘香港文青咖啡店及製作咖啡嘅過程，陳豪更於最後一集《豪遊咖啡》邀請太太陳茵媺作壓軸嘉賓，訪問過程中亦大曬恩愛，陳豪除咗不斷以「Baby」稱呼陳茵媺，亦罕有公開相識經過，即場教太太沖人生咖啡等，觀眾睇到好評滿滿。反觀，袁偉豪由節目開播以來，表現都不被觀眾認同，單係YouTube影片點擊率已經相差一大截。

袁偉豪自與張寶兒結婚後便被冠以「三億駙馬」之名，又遭網民評擊走樣及未夠資格出任TVB藝訓班導師指導金像獎最佳男配角得主馮皓揚，佢就曾直言自己慘成箭靶，仲不滿表示：「我欠咗你哋班傳媒？」；袁偉豪曾解析自己唔太識用啲花言巧語去表達自己，可能咁樣令人對佢印象唔係太好。其實，《豪遊咖啡》播出前，觀眾已經覺得成日脾氣暴走嘅袁偉豪唔啱拍咖啡節目；結果YouTube影片點擊率斷定一切，袁偉豪與陳豪點擊率相差一大截，陳豪與李佳芯一集於12月20日發布，截至昨日（2日）點擊率已達12萬5千；而袁偉豪與黃翠如一集於12月21日發布，截至昨日點擊率僅得2萬6千，發布日僅相差一日但點擊率足足相差6倍；而陳豪與胡定欣一集於12月26日發布，點擊率有5萬2千；袁偉豪與黃智雯一集於12月27日發布，點擊率僅得1萬3千，陳豪依然完勝。有網民更於袁偉豪《豪遊咖啡》YouTube影片下批評袁偉豪：「豪遊咖啡唔啱袁偉豪拍，豪遊軟飯啱佢多啲。」、「不如開套《新春軟飯王》畀佢啦」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！