阿嬌同「中性Edison」皇甫聖華被指同居北京豪宅 居家照意外自爆證據?
4年前離婚嘅阿嬌鍾欣潼,近年被指與酷似舊愛陳冠希嘅內地有米網紅皇甫聖華爆出緋聞。阿嬌試過喺皇甫聖華生日post出二人親密合照祝賀﹐而阿嬌年頭完成Twins紅館演唱會後去沙地阿拉伯旅行,皇甫聖華咁啱嗰排post喺沙地影嘅相,有傳二人一齊出外慶祝情人節,似乎相當sweet。
正當近期二人冇乜放閃之際,今日有傳媒爆料指,阿嬌同皇甫聖華疑似喺北京同居超過一年,更指阿嬌不時賣甩助手返北京,疑似係要爭取時間見重要人物。
除此之外,報導更從阿嬌同皇甫聖華上載到社交網嘅家居照片分析,指二人屋企「咁啱」都係對正北京中央電視台大樓,而且佢地都post過屋企一個蕉皮形狀「小心地滑」提示擺設,加上部份潮人玩具嘅收藏同擺位,都好似係喺同一地點拍攝。
按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!