電影LOL︳《BJ單身日記》系列有望開拍第4集 BJ做人阿媽仲搞姊弟戀

愛情喜劇《BJ單身日記》上映20週年，頭2集《BJ單身日記》、《BJ單身日記：愛你不愛你》女主角Bridget Jones 周旋於2大男神Mark同Daniel之間。事隔多年，BJ再於2016年《BJ單身日記：生得啦Baby》演繹中女分手，再次單身依然勇猛，專注事業繼續追尋愛情。

40歲依然一支花，就算意外懷孕都無有怕，BJ生活貌似歡樂又充滿挫敗，呢個跌咗又不停爬返起身嘅中女陪伴觀眾成長，《BJ單身日記：生得啦Baby》BJ做埋媽媽，電影票房及評價雙收，作為BJ系列嘅終章其實相當完滿。

不過故事原作者Helen Fielding 就希望繼續講埋BJ之後嘅故事，最近佢接受Radio Times訪問，透露已著手改編BJ系列小說第3部 Bridget Jones: Mad About the Boy，更表示每次將小說搬上大銀幕過程艱距，不過依然希望BJ 4電影可以成真。BJ系列第3集嘅《生得啦Baby》改編自Helen喺The Independent嘅專欄，而新一集電影則會回歸小說系列。

如果電影拍得成，好大機會可以原班人馬回歸，憑《星夢女神：茱地嘉蘭》升格為奧斯卡影后嘅Renee Zellweger都對呢個冒失中女角色念念不忘，之前接受訪問時更明言只要收到續集邀請，佢一定飛奔重回BJ懷抱！

Mad About the Boy講述51歲嘅BJ季為2子之母，日常要處理細路生活又要同其他學校家長風花雪月、暗中角力，偶爾仲要被其他家長批評，不過就算開始要戴老花眼鏡，生活依然精彩，仲展開姊弟戀！

電影絕大機會原班人馬登場，不過唔肯定Colin Firth飾演嘅Mark Darcy會唔會登場，因為根據小說情節，Mark已經意外過身！或者Mark可以用回憶殺嘅方式登場？

更多電影文章

電影LOL．今期睇咩戲︳致命24小時／黃金大逃獄／紐約愛音鱷／屍殺32／萬里歸途／搜救／黎巴嫩1982

電影LOL︳為演路易十五 Johnny Depp變無鬚大媽 開工遲到激親導演

電影LOL︳Tom Hardy力撐老友 小編劇升呢做《毒魔》第3集導演

電影LOL︳亨利卡維爾回歸《超人》 Netflix《獵魔士》第4季易角由雷神細佬頂上

電影LOL︳AV女優冇嘢撈 轉行打摔角 《女優，摔吧》女主角真軍演出係咁叫

電影LOL︳DC終於搵到話事人 撬走Marvel《銀河守護隊》大腦

電影LOL︳The Rock成功爭取 亨利卡維爾正式宣布再演超人

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！