做MIRROR師妹!《全民造星4》今日開始報名 林二汶推辭唔做導師

·2 分鐘文章
《全民造星4》今日開始報名 林二汶推辭唔做導師
《全民造星4》今日開始報名 林二汶推辭唔做導師
《全民造星4》今日開始報名 林二汶推辭唔做導師
《全民造星4》今日開始報名 林二汶推辭唔做導師

一直有傳今年ViuTV會製作《全民造星4》,終於上星期五《調教你MIRROR》入面就出咗《造星4》接受報名嘅宣傳片,並且公布今季會係首次招收女參加者!

《全民造星4》今日開始報名 林二汶推辭唔做導師
《全民造星4》今日開始報名 林二汶推辭唔做導師

至於報名網頁就喺今日推出,裡面提到「《全民造星IV》將投放資源,透過節目選拔一隊全能女團,我們相信,女團非韓團專利,香港一樣做得到,甚至更出色。」。似乎入圍並且留到最後嘅參加者,有機會組團成為MIRROR同 ERROR嘅師妹。曾經喺《造星3》講過唔想收女仔嘅監製花姐,唔知今季會點應付?

不過花姐首先要搞掂導師人選,因為上一季嘅導師林二汶喺IG宣布,已經口頭上推辭花姐嘅邀請,唔會做《造星4》嘅導師。二汶寫道「上台容易落台難。我想像,如果我再次做導師,我都難以超越上一次嘅自己。既然唔能過做得更好,何不讓更多有才之士去做?經過深思熟慮後,我先下哩個決定。」,佢又衷心感激花姐同ViuTV俾佢呢個機會,仲透露將會籌備一間音樂教室,並已經搵到地方同導師。

《全民造星4》今日開始報名 林二汶推辭唔做導師
《全民造星4》今日開始報名 林二汶推辭唔做導師

《造星3》節目最大亮點可能係搵到彭秀慧同林二汶做導師,二汶仲碌人情卡搵老友梁祖堯幫手編排演出,令到成個show嘅可觀性提高。有傳花姐因為想《造星4》唔止要參加者表演跳唱,仲會有綜藝同戲劇演出,於是搵梁祖堯做導師,而阿祖亦講明好願意,但係就唔想同二汶做對手。如果二汶唔做,會唔會影響阿祖做導師嘅成數?另一位戲師彭秀慧又會唔會留低?似乎節目未播就有大把花生食!

《全民造星4》今日開始報名 林二汶推辭唔做導師
《全民造星4》今日開始報名 林二汶推辭唔做導師

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能