《刑偵日記II》疑似男女主角名單流出 傳王浩信被飛 黃翠如擔正女一

劇集《刑偵日記》係TVB上年嘅大卡士重頭劇，雖然劇集贏得口碑，不過收視強差人意，全劇平均只有13.77點，結局周收視更跌至10.2點新低。劇集成績雖然麻麻地，不過TVB並冇放棄劇集。喺3月中嘅「香港國際影視展（線上版）」（FILMART Online）中，無綫宣布14套劇集籌備中嘅劇集，而《刑偵日記II》就係其中一套。去到最近《刑偵日記II》傳出新消息，疑似男女主角名單流出，身為男一嘅王浩信竟然冇影。

《刑偵日記II》嘅男女主角名單疑似流出，女主角方面似乎已經有定案，佢就係近年備受力捧，不過演技一直倫受網民批評嘅黃翠如。自上年8月播出嘅《七公主》後，黃翠如一直未有新劇推出，期間更一度傳出佢疑似懷孕嘅消息。

至於男主角方面，疑似《刑偵日記II》男女主角名單寫上待敲定，唔通《刑偵日記》擔任男一嘅王浩信被飛？咁男一將由邊位演員頂上？較早前有內地網民曾私訊張寶兒，並得到對方嘅回覆，網民話：「寶兒叫阿Ben拍刑偵2啦，太好睇啦」，之後張寶兒回覆話：「多謝支持啊 刑偵2年底開拍 」。袁偉豪喺《刑偵日記》飾演心理醫生韋睿傑，角色非常重要，而佢嘅演出亦獲得網民讚賞。不過網民對《刑偵日記II》疑似男女主角名單唔多受落，因為袁偉豪同黃翠如呢個配搭太似《使徒行者3》。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！