《家族榮耀》收視理想 總監製打算原班人馬開續集

TVB外購網劇《家族榮耀》係近來熱門話題，搵嚟張智霖、楊茜堯、羅子溢、李彩華、熊黛林及黃浩然等人主演，勾心鬥角劇情及實力派演員演技大鬥法，成功吸引唔少觀眾收睇，更有唔少觀眾希望劇集可以開拍劇集。《家族榮耀》收視理想，有指總監製梁家樹打算原版人馬開拍另一套以家庭為題材嘅續集，而劇本亦已經積極準備中。

《家族榮耀》收視及口碑不俗，既然總監製梁家樹打算原版人馬開拍續集，身為男主角嘅張智霖已經口頭上答應，而楊茜堯與羅子溢兩公婆亦表示非常期待，羅子溢仲希望梁家樹喺寫劇本時將佢同老婆寫成戰友關係，原因係唔想成日鬧交。

另外，飾演黃浩然情婦Mandy Lin嘅劉悅將會以孖生妹妹身份再次出現，楊茜堯飾演嘅甄芯因收購馬氏集團嘅計劃失敗而企圖自殺，及後更因多項罪名被判入獄。而喺獄中嘅甄芯都安安份份，不過喺洗衫時彼Mandy Lin孖生細妹用牙刷刺傷，生死未卜。另一方面，羅嘉良飾演嘅三叔馬世興將會喺大結局現身30秒，並預告會幫馬家打理馬氏集團生意。其實佢仲有額外一分鐘嘅戲份，片段亦以彩蛋形式喺優酷獨家播出，主要講述佢同迪羅斯嘅秘密通話。就咁睇嘅話，羅嘉良同楊茜堯喺續集都會係關鍵所在。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！