《披荊斬棘的哥哥》列出「舞台提示清單」 惹外界猜測迎合國家政策

最近內地對娛樂圈及粉絲文化嘅管理越嚟越嚴格，而內地綜藝節目《披荊斬棘的哥哥》就被外界猜測疑似迎合國家嘅政策，最新一集喺「哥哥們」比賽前列出「舞台提示清單」，提出五點喺舞台上要謹慎對待嘅行為，唔容許「哥哥們」喺表演時做出過度油膩嘅動作，例如唔好眨單眼及咬唇等等。

1. 謹做鬼機靈表情，哥哥的帥氣足夠獲得好評

2. 謹用咬嘴唇，不管要咬下嘴唇還是上嘴唇

3. 謹用Wink，眼睛乾澀請滴眼藥水

4. 謹用頂胯扭胯動作，一旦閃腰概不負責

5. 謹用與舞台地板大面積接觸的動作，包括但不限於俯臥撐和平板支撐

唔少內地網民都留意到「舞台提示清單」，之後仲紛紛到微博留言大讚有意思，例如「太有意思了好搞笑啊」、「節目組的“去油”大戰真的很成功！」、「哈哈，哥哥們的舞台提示清單太好笑了」、「節目組真的有心啦！」及「笑死我了，強制去油」等等。

點解《披荊斬棘的哥哥》製作組會列出上面嘅提示？其實係同上年播出嘅《追光吧！哥哥》有啲關係，因為《追光吧！哥哥》嘅參加者經常做出以上動作，唔少內地網民都話過於油膩。雖然《披荊斬棘的哥哥》以幽默方式列出「舞台提示清單」，不過早前有官媒砲轟娛樂圈中嘅「娘砲形象」係畸形嘅審美觀，所以唔少網民都猜測「舞台提示清單」係疑似迎合國家政策而提出。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！