《老表,你好hea! 》烏茾真人原來幾靚女?!
《老表,你好嘢》同其他TVB劇最大分別係綠葉夠多夠搶,而且肯用新人,上次嘅小寶、陳明恩、王菀之同張繼聰就咁爆咗出嚟。
今集《老表,你好hea》食返同一條水,其中”爽到無朋友保健中心”嘅三寶Viviene(小寶飾)、烏笄(吳沚默飾)同埋Peter仔(路芙飾)都一樣爆笑!當中要扮演烏笄嘅吳沚默犧牲真係幾大,除咗要戴核突假髮(套劇夏天拍架)、黐條粗眉、畫到一面斑點,仲要畫黑棚牙!新演員嚟講都算做得幾好架啦,演得勁放!不過,化妝嘅威力真係大,令你靚亦都整醜你!連佢自己都喺微博忍唔住講:「對於一個出道沒多久,一直以為自己在走玉女路線的女演員來說,我…還是洗洗睡了吧…晚安…」
介紹下呢位新人先,吳沚默今年24歲,喺江西出世。高考考入香港浸會大學電影學院,2012年畢業。其後做編劇及入讀第26期無綫電視藝員訓練班,並開始成為演員。之前佢都有拍過其他劇集,但都係路人角色,直至今次《老表,你好hea! 》先開始多人認識
。