《聲夢》冼靖峰起底 港大學霸靠一招減肥變靚仔

·2 分鐘文章
《聲夢》冼靖峰起底 港大學霸靠一招減肥變靚仔
《聲夢》冼靖峰起底 港大學霸靠一招減肥變靚仔

無綫音樂真人騷《聲夢傳奇》比賽進入白熱化階段,7強已誕生,不過大家焦點聚晒喺「國民初戀」姚焯菲(Chantel)及「少女G.E.M.」炎明熹身上,但其實男參賽者冼靖峰(Archie)表現都唔弱,佢狀態穩定,7回合的表演中甚少落敗,而且佢背景非泛泛之輩,不單是學霸,仲有同人氣王姜濤一樣參加過《全民造星》,兼且都係由200磅大肥仔喪減至依家標準身形。

冼靖峰自細就好鍾意唱歌,經常參加表演。
冼靖峰自細就好鍾意唱歌,經常參加表演。
冼靖峰(左三)係喇沙仔。
冼靖峰(左三)係喇沙仔。

現年23歲嘅冼靖峰,中、小學就讀名校喇沙小學及喇沙書院,之後升讀香港大學,畢業後任職MT(Management Trainee 管理培訓生),本來可以做專業人士有份穩定嘅收入,不過喺Archie心中仍然有一個音樂夢未滅。為咗圓夢Archie就曾參加ViuTV舉辦的《全民造星2》,可惜成績在60強止步。不過佢冇因為咁而放棄唱歌,反而到音樂學院上堂進修歌藝,再接再厲參加《聲夢傳奇》,現時成功打入最後7強,其穩打穩紮表現,更被部分網民認為係三甲實力人選。

冼靖峰曾參加《全民造星2》,可惜成績在60強止步。
冼靖峰曾參加《全民造星2》,可惜成績在60強止步。
靠跑步機減肥成功後,依家靚仔好多。
靠跑步機減肥成功後,依家靚仔好多。

Archie同人氣王姜濤一樣讀書時期都係肥仔一名,讀中學時嘅佢就曾重達200磅,為咗上鏡靚仔,佢決心減肥,買咗一部跑步機,日日喺屋企跑步加練氣,佢坦言都諗過想放棄,但為咗夢想仍努力堅持,依家Archie上鏡已經靚仔晒,面部輪廓突出,唔講唔知原來佢曾經係肥仔,所以話「每個肥仔都係潛力股」。

冼靖峰於《聲夢》表現平均又穩定。
冼靖峰於《聲夢》表現平均又穩定。
姜濤以前都係200磅肥仔。
姜濤以前都係200磅肥仔。

減肥成功嘅Archie為夢想衝刺,愛情同樣得意,早前佢被網民目擊跟另一參賽者詹天文(Windy)拍拖食飯,更喺導師泳兒貼出嘅花絮照中見到二人共用同一耳機,舉止親密。令緋聞傳得熱哄哄。

冼靖峰與詹天文共用同一耳機,緋聞鬧得熱哄哄。
冼靖峰與詹天文共用同一耳機,緋聞鬧得熱哄哄。
冼靖峰讀書時期面圓圓,係肥仔一名。
冼靖峰讀書時期面圓圓,係肥仔一名。
我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能