文詠珊Janice Man出席活動生圖曝光 零走樣兼S型身材 一洗「JM Tone」污名

文詠珊（Janice Man）與富三代老公吳啟楠（Carl）於2019年結婚，雖然婚後與老公長駐上海，但仍堅持幕前工作，去年更因內地懸疑電影《消失的她》成為「億萬票房女星」，演技受到肯定。Janice Man除咗透過演技撇甩當年「𡃁模」形象，近年亦被指其JM Tone英語大有進步；最近Janice Man現身上海出席品牌活動，更被野生捕獲與外國高層用流利英語傾偈。

Janice Man以Deep V金色閃閃露背晚裝出席品牌活動，超貼身剪裁除咗將纖腰完美呈現，身體曲線更突出，加上大波浪曲髮造型，性感又有女人味。Janice Man於社交平台分享一系列活動照，唔少網民都留言大讚靚女兼身材好：「怪你過度美麗，讓我過度著迷」、「文詠珊！！好美！」、「港風美女，身材也好好啊」、「美哭了我，姐姐，你這背影」等等。另外，有網民PO出Janice Man出席活動嘅生圖，喺無濾鏡及零修圖情況下，乍看之下Janice Man樣貌都無走樣，五官依然精緻，下顎線線條明顯，舉手投足都散發魅力。

Janice Man早年被指擁有港式英文口音「JM Tone」，強調翹舌音而惹起討論，又曾於2020年與老公吳啟楠結婚一周年紀念日期間出PO大曬甜蜜切蛋糕照片，被網民將焦點放於Janice Man帖文其中一句「remembering today last year」，被嘲笑英文極差。不過，Janice Man今次出席活動就被影到與品牌外國高層傾偈，二人面帶笑容交談，似乎溝通得唔錯。而其實，今年1月份Janice Man出席龍年發佈活動，就被網民影到與品牌高層全程用英文對話，該網民大讚Jancie Man講英文好可愛，又有唔少網民覺得Janice Man進步咗好多，睇得出佢有落足苦功不斷學習。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！