《萬千星輝頒獎典禮2022》郭可盈事隔13年重返TVB 獲網民大讚保養得宜

《萬千星輝頒獎典禮2022》截圖
《萬千星輝頒獎典禮2022》截圖

TVB年度盛事《萬千星輝頒獎典禮2022》喺噚晚(8日)圓滿舉行,今屆TVB邀請多位重量級明星擔任頒獎嘉賓,當中包括事隔13年重返TVB嘅郭可盈,佢除咗成為傳媒嘅焦點對象之外,唔少網民亦非常興奮,紛紛留言大讚佢保養得宜。

《萬千星輝頒獎典禮2022》頒獎嘉賓陣容強勁,當中包括負責頒發「最受歡迎電視男角色」及「最佳男主角」嘅郭可盈和呂良偉,二人再次聚首一堂,不禁令觀眾聯想起2009年劇集《富貴門》。52歲嘅郭可盈噚晚以一條香檳金色晚裝登場,佢除咗仍然仙氣十足之外,身形及外貌都keep都好好,拍住當家花旦及小花真係一啲都唔輸蝕。網民們紛紛留言大讚佢,留言「郭可盈keep得勁好」、「keep 得好好」、「郭可盈仲好靚」、「郭可盈靚到」、「郭可盈好後生」及「真係好靚女」等等。

《萬千星輝頒獎典禮2022》截圖
《萬千星輝頒獎典禮2022》截圖
《萬千星輝頒獎典禮2022》截圖
《萬千星輝頒獎典禮2022》截圖

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!