《識貨2》劣評如潮 網民狠批唔專業:好似成班小丑睇到好尷尬

·2 分鐘文章
《識貨2》截圖
《識貨2》截圖

TVB直播帶貨真人騷《識貨》自上年6月出街後,已經受到唔少網民批評。點知TVB食過翻尋味推出《識貨2》,搵嚟陳敏之、阮兆祥及黃美棋等藝員參賽,繼續發掘有潛力嘅帶貨主播。節目雖然有王牌主持人鄭裕玲助陣,不過節目出街後,隨即俾網民鬧爆節目唔專業,更指「做藝人做到街頭sales咁好可憐」。討論區亦有網民以「噚晚第一次睇TVB帶貨班藝人同街市sales有咩分別」為題,唔少網民都留言批評,直指節目唔專業、想學內地「帶貨文化」但又學唔好、搞到班藝人「好似成班小丑睇到好尷尬」。另外,網民亦有指藝員「口才差」、「轉數慢」、要介紹貨但連件貨既特色都講唔到,就連街市Sales都比呢班藝員好。

有網民直指各行各業都有自己既知識同技巧,而依班藝人本來只識「背對白」,帶貨本身係好需要轉數快,但班藝人好似成班小丑咁,成個《識貨》節目睇到觀眾好尷尬,搞到藝員們「自貶身價」。唔知你哋又對《識貨2》有咩睇法呢?

《識貨2》截圖
《識貨2》截圖
《識貨2》截圖
《識貨2》截圖
《識貨2》截圖
《識貨2》截圖
《識貨2》截圖
《識貨2》截圖

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能