《釀魂》監製發文抱怨某演員冇為電影宣傳 袁澧林首度開腔回應:係一個小小嘅誤會
奇幻驚慄電影《釀魂》由 Anson Lo@MIRROR(盧瀚霆)、陳紫萱、朱栢康、吳肇軒、郭翠怡等人主演,電影上映至今超過兩個月,累積票房已破千萬。早前監製黃永峯喺IG發長文,表示電影即將落畫及感謝幕前幕後團隊嘅付出,不過佢喺致謝戲中演員時,似乎對一位演員不作宣傳感到失望,而監製喺文中標註演員名單中獨欠袁澧林(Angela),所以唔少人都猜測監製矛頭直指袁澧林。去到噚日(31日),袁澧林喺出席活動時接受傳媒訪問,期間承認自己缺席宣傳。
噚日,袁澧林喺出席活動時接受傳媒訪問,被問到《釀魂》監製黃永峯喺IG出PO對一位演員不作宣傳感到失望一事,袁澧林就大方承認應該係自己。之後佢就話係一個小小嘅誤會,因為佢冇出席《釀魂》首映禮嘅原因係前往台灣出席Sundance電影節;Angela再話如果時間許可嘅話,佢一定會配合所有宣傳活動,之後佢仲話事件已經告一段落,黃永峯之後嘅PO都有Tag佢,而佢都有repost返,不過佢私底下就冇同監製傾過,而經理人就補充已經完成溝通嘅工作。
按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!