「少婦聯盟」長期唔齊人 獨欠沈卓盈疑姊妹情不再

娛樂圈有唔少閨蜜團，當中包括有由龔嘉欣（Katy）、沈卓盈（Jess）、陳凱琳（Grace）及譚凱琪（Zoie）組成嘅「少婦聯盟」，四人因拍攝TVB劇集《平安谷之詭谷傳說》一拍即合成為閨蜜，仲周不時相約聚會，不過近年都未見佢哋合體，有指閨密情已斷。

喺啱啱過咗嘅感恩節（11月26日），龔嘉欣、陳凱琳及譚凱琪就相約聚餐，相片中三人充滿笑容，仲外賣咗多款食物及啤酒，睇落食得非常盡興。由於聚餐未見沈卓盈嘅蹤影，所以再次傳出鬧翻消息。

「少婦聯盟」四位好姊妹不時相約聚會，仲會將靚相上載到社交網站與網民分享，最為網民深刻嘅一定係佢哋趁成立1周年，影咗一輯性感寫真留念，向網民大派福利。不過近年佢哋都未見合體，最後一次已經係前年為出席譚凱琪女兒Gabri嘅百日宴。喺今年8月，龔嘉欣做老闆娘開咖啡店，當時「少婦聯盟」都係得陳凱琳同譚凱琪到場祝賀，當時有傳媒問「少婦聯盟」係唔係已經解散，陳凱琳同龔嘉欣都齊聲否認，之後就扯開話題。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！