「御用阿媽」陳秀珠離巢 大讚《全民造星》用心製作 欣賞Ian陳卓賢

·2 分鐘文章
陳秀珠
陳秀珠

陳秀珠喺TVB熱播劇集《一笑渡凡間》飾演莊老闆「孤姐」,剛強具霸氣嘅角色深受觀眾喜愛,但原來佢已喺嚿年7月完約,而《一笑渡凡間》就成為陳秀珠嘅告別作。離巢後佢話自己有睇ViuTV節目,亦有留意人氣男團MIRROR及ERROR。

62歲嘅陳秀珠1979年參選香港小姐競選,雖然三甲不入但亦被無綫睇中,入行後好快被安排擔任《K-100》、《體育世界》等節目主持以及拍攝劇集,如《射雕英雄傳》、《雪山飛狐》等,拍檔亦屬大卡士人物,例如1982年《蘇乞兒》、1984年《笑傲江湖》同周潤發合作、1985年同萬梓良合作《陸小鳳之鳳舞九天》,而1988年《誓不低頭》就同鄭少秋合作。不過喺事業如日中天之際,陳秀珠就愛情大過天,決定喺1990年暫別幕前。

直至1995年,陳秀珠回歸TVB重新出發,不過角色卻由女主角變成配角,甚至成為TVB「御用師奶」及「御用媽媽」,例如2002年《戇夫成龍》飾演宣萱媽媽、2013年《心路GPS》飾演陳展鵬媽媽。雖然多飾演媽媽角色,但陳秀珠為人近貼潮流,指近年不時都會睇ViuTV節目,睇得出佢哋用心製作;而《全民造星》就係其中一個佢好欣賞嘅節目,提及自己最愛MIRROR成員Ian陳卓賢,認為佢唱得又識打排球,好有特色。陳秀珠又指自己都好欣賞ERROR成員肥仔梁業同經理人花姐,直言喺娛樂圈工作40年,好少見到有人可以喺節目夠膽講又講得中。

《一笑渡凡間》劇照
《一笑渡凡間》劇照
《一笑渡凡間》劇照
《一笑渡凡間》劇照
杜燕歌&陳秀珠
杜燕歌&陳秀珠
陳秀珠
陳秀珠
陳秀珠
陳秀珠

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能