「東張女神」梁敏巧大爆港姐內幕及離地趣聞 試過有佳麗唔知咩係八達通?

影片截圖
影片截圖

「東張女神」梁敏巧(Maggie)較早前開設個人YouTube頻道,早前邀請好友黃丹虹(Vickie)擔任影片嘉賓,齊齊大爆參加香港小姐及ViuTV真人騷《廣告女皇》嘅內幕。

現年27歲嘅梁敏巧,曾就讀於樹仁大學新聞與傳播學系,畢業後成為一名記者。喺2019年,佢覺得人生苦悶,好想做一啲嘢去衝擊一下,於是佢就參選香港小姐,當年嘅冠亞軍佳麗分別係黃嘉雯、王菲及古佩玲。 而佢就喺影片中大爆有人會爭曝光率同爭鏡頭。另外,佢亦講到喺參選期間聽過一啲堅離地嘅趣聞,話聽過有啲女仔同佢講佢嗰屆有佳麗唔識搭巴士,唔知道咩係八達通,同埋唔搣皮嘅話就唔知咩係提子,不過Maggie就解釋話呢啲女仔出身同普通家庭出身嘅唔同。不過佢亦強調佳麗唔係想像中咁進取,好多時只係被放大;及否認有內定嘅傳聞,因為選美唔係淨係睇樣,有啲好靚嘅大熱佳麗,可能喺鏡頭後表現未必咁好,咁樣就有機會被淘汰,一旦被落選就會被指唔公平及內定。

而喺2018年參加過ViuTV真人騷《廣告女皇》嘅黃丹虹,佢喺影片中就話參選時真係會有「拉攏關係」嘅情況出現,仲話聽過當時隔離組,如果唔得導師歡心嘅話會俾人蝦,連報紙、報道及剪接都會幫個導師,令參加者無形中被抹黑。

梁敏巧
梁敏巧
梁敏巧
梁敏巧
梁敏巧
梁敏巧
梁敏巧
梁敏巧
梁敏巧
梁敏巧
黃丹虹
黃丹虹
黃丹虹
黃丹虹
黃丹虹
黃丹虹
黃丹虹
黃丹虹
黃丹虹
黃丹虹

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能