「第6屆 觀眾在民間電視大獎2021」賽果出爐 ViuTV成大贏家 Anson Lo李佳芯奪視帝視后

又嚟到頒獎禮嘅季節，大家最關心嘅一定係獎項花落誰家。早前無綫舉行咗《萬千星輝頒獎典禮2021》，結果由譚俊彥及林夏薇首封視帝視后。賽果公佈後，唔少網民都對賽果好有意見，仲紛紛留言戥鍾嘉欣唔抵。大家唔滿意唔緊要，可以睇下社交網站專頁「方以文 睇電視喇喂」舉辦嘅「第6屆 觀眾在民間電視大獎2021」，呢度嘅15個獎項嘅賽果係百分百由觀眾經網上提名同投票，今屆一共有68,166名觀眾投票，而得獎名單喺今日正式出爐，結果由ViuTV繼續成為大贏家，而家就同大家睇下啦！

民選最佳劇集：《大叔的愛》/ ViuTV

民選最佳劇本：《大叔的愛》/ ViuTV

民選最佳攝影：《大叔的愛》/ ViuTV

民選最佳男主角：盧瀚霆 - 凌少牧《大叔的愛》/ ViuTV

民選最佳女主角：李佳芯 - 阿寶《智能愛人》/ TVB

民選最佳男配角：邱士縉 - 呂俊霖《大叔的愛》/ ViuTV

民選最佳女配角：簡慕華 - 袁慧珠《大叔的愛》/ ViuTV

民選飛躍進步男藝員：盧瀚霆 / ViuTV

民選飛躍進步女藝員：練美娟 / ViuTV

民選最佳主持：6 膠（呂爵安、岑珈其、劉沛蘅、魏浚笙、黃正宜、徐浩昌）《膠戰、膠戰 S2》 / ViuTV

民選最佳戲劇拍檔：呂爵安、盧瀚霆 - 田一雄、凌少牧《大叔的愛》/ ViuTV

民選最佳綜藝節目：《神的女主角》/ ViuTV

民選最佳資訊節目：《CHILL CLUB》/ ViuTV

民選最佳時事節目：《經緯線》/ ViuTV

民選最佳電視歌曲：《不可愛教主》 -《大叔的愛》/ ViuTV

圖片來源：「觀眾在民間電視大獎2021」新聞稿

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！