【上位在望】《後生仔》波波簽約做無綫親生女 拍劇行內衣騷機會不斷

曾志偉回巢後一舉一動都備受關注，前排有傳《#後生仔傾吓偈》有機會被暫停，後來曾志偉上節目向一班主持大派定心丸，期間曾志偉點名大讚黃凱儀（波波），令佢成為全場最得寵嘅一位。現年23歲嘅波波，擁有36E驕人身材，喺4月佢由big big channel藝人轉為無綫經理人合約藝人，即時升級成為無綫親生女。波波簽約後，即刻機會大增，除咗有份拍攝新劇《青春不要臉》外，仲有機會行內衣騷，明顯備受力捧搵真銀。

喺行騷當日，波波大騷出眾身材，搶盡風頭，連同場嘅《最後一屆口罩小姐》「肥妹」李文潔（Liz​）、樂宜（Lokyii）及陳紫芊（Elsie）都被比下去。波波今次仲有兩位經理人陪同出席，認真唔簡單，睇嚟遲啲大把機會見到佢嘅演出。

除咗波波之外，一班後生仔主持杜穎珊（Sandy）、王虹茵（Sharlene）、陳欣茵、游嘉欣，呂靜文（Bonnie）、孔德賢、劉頌鵬（Enson）、林正峰、徐文浩（Fred）、曾展望（GM）亦簽約成為無綫合約藝人。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！