【亞洲小姐】A0薛影儀自爆試過追男仔惜失敗收場

·2 分鐘文章
薛影儀(阿儀)
薛影儀(阿儀)

《亞洲小姐競選2021》早前宣布18 位入圍佳麗名單,喺首輪面試獲得高度關注嘅薛影儀(阿儀)就無緣晉級。雖然佢未能入圍,不過就獲得亞視高層賞識跳過選秀,立即安排佢簽約兩年成為旗下藝人。阿儀一入行即被ATV力捧,工作就接踵而來,除咗產品宣傳、拍電影及開Live唱歌之外,阿儀仲有接受唔少訪問,難怪亞視藝員部經理人林寶玉都話佢嘅工作已經好滿,係亞視最多工作的藝人。

早前阿儀接受傳媒訪問,期間大玩快問快答等大家可以更加認識佢,例如阿儀承認籌備後援會、社交網站唔同姓氏因為姓「薛」唔好聽、對TVB無錄用咁失望及嘥時間、認為因外表及勇敢性格得到網民愛戴、因為笑唔好睇所以影相只有一個表情、唔會改造自己「驚整咗唔好睇」等等。

圈粉無數嘅薛影儀現年37歲,佢早前就坦言未拍過拖,亦冇被男生追求過。喺訪問中被問到理想對象嘅類型時,傳媒就提供咗三個選擇(姜濤、馬國明及王浩信),阿儀就選擇咗王浩信。雖然阿儀嘅感情狀態係A0,原來佢幾年前試過追男仔,而呢個靚仔係佢嘅同學,阿儀喺WhatsApp同佢講對佢有意思,不過佢就冇理會,仲block埋阿儀。

薛影儀
薛影儀
阿儀開LIve
阿儀開LIve
薛影儀
薛影儀
薛影儀日前火速簽亞視成為旗下藝人
薛影儀日前火速簽亞視成為旗下藝人

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能