【又唔見老婆】張崇德、劉美娟慶祝結婚17周年 劉愷威單拖現身

當年張崇德結婚,做兄弟嘅劉愷威真係笑得好開心。(微博圖片)
當年張崇德結婚,做兄弟嘅劉愷威真係笑得好開心。(微博圖片)

又係「1111」放閃日,繼林嘉華同太太劉寶珍慶祝結婚34周年紀念後,噚日又輪到張崇德同劉美娟放閃喇!

張崇德同劉美娟嘅結婚周年剛巧係嘉華哥嘅一半,但甜蜜指數依然爆燈!佢哋喺11月10號結婚,前晚去咗一間酒吧慶祝,一對仔女同朋友都有出席,仲有劉愷威驚喜現身。原來愷威當年有份做兄弟,得27歲,個樣仲係好young,一臉稚氣笑得非常燦爛;反觀現在笑不露齒,收歛好多。前晚愷威單拖出現,冇帶囡囡同經常傳婚變嘅太太楊冪,顯得有點形單隻影。

崇德留言﹕「這陣子要籌備演唱會,實在太忙了。昨天是我和太太@劉美娟Eugina結婚17周年,沒有特別去慶祝,只即興叫了幾個朋友去自己有份開的酒吧relax一下,特別是當日在婚禮幫手的兄弟@劉愷威。」劉美娟則感性留言:「17年前和你牽手進入教堂,期待未來的日子繼續牽手向前。」

張崇德同劉美娟慶祝結婚17周年,特意邀請好兄弟劉威出。 (微博圖片)
張崇德同劉美娟慶祝結婚17周年,特意邀請好兄弟劉威出。 (微博圖片)
劉愷威嘅太太楊冪同囡囡小糯米都冇出席。(微博圖片)
劉愷威嘅太太楊冪同囡囡小糯米都冇出席。(微博圖片)
仔女都有份參與,享受家庭樂。(微博圖片)
仔女都有份參與,享受家庭樂。(微博圖片)
張崇德同劉美娟結婚時候,好多朋友出席,真係好熱鬧。 (微博圖片)
張崇德同劉美娟結婚時候,好多朋友出席,真係好熱鬧。 (微博圖片)
我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能