【唯一中港台藝人】G.E.M.以中國歌手身份入圍BBC百大女性
英國廣播公司(BBC)每年都會公佈「百大女性」,曾多次為香港社會議題發聲嘅歌手何韻詩前年都有入圍。至於今年,香港代表就有鄧紫棋(G.E.M.),評語寫G.E.M.係一名暢銷女性音樂人,會利用其影響力致力於音樂,以及協助教育、慈善組織,不過大會就將佢列為來自中國嘅創作歌手。
本月初,G.E.M.到NASA位於矽谷嘅Ames研究中心,出席有「科學界奧斯卡」之稱嘅「科學突破獎」頒獎典禮,不過當時佢同主持人交談時就話:「I am from Hong Kong(我嚟自香港)」。
其餘來自中國嘅入圍者,有攝影師羅洋,佢於2007年開始拍攝女性寫真,試圖打破外界對中國女性刻板形象。另一名係Jing Zhao,近年致力教導女性享受自己身體及性慾。