【大步走】長跑藝人 5字頭林海峰堪稱全港最快 邊個3小時7分跑完全馬?

·4 分鐘文章
【大步走】長跑藝人 5字頭林海峰堪稱全港最快 邊個3小時7分跑完全馬?
【大步走】長跑藝人 5字頭林海峰堪稱全港最快 邊個3小時7分跑完全馬?
【大步走】長跑藝人 5字頭林海峰堪稱全港最快 邊個3小時7分跑完全馬?
【大步走】長跑藝人 5字頭林海峰堪稱全港最快 邊個3小時7分跑完全馬?

TVB新劇《大步走》今晚出街,主角係大台藝員長跑小隊Crazy Runner成員陳山聰同姚子羚,可以話係開正佢地嗰瓣。香港近年多咗人跑步,藝人參與絕對係推動力之一,以下呢班藝人原來好跑得!

徐濠縈

【大步走】長跑藝人 5字頭林海峰堪稱全港最快 邊個3小時7分跑完全馬?
【大步走】長跑藝人 5字頭林海峰堪稱全港最快 邊個3小時7分跑完全馬?

堪稱第一批「星級跑手」,自細有參加運動比賽嘅阿徐,十年前開始重拾跑步習慣,甚至覺得「唔跑唔聚財」。跑之餘仲經常上社交平台share跑步相,引發唔少OL同後生女對長跑有興趣,更令阿徐得到「肯亞徐」呢個稱號。佢試過唔使4個鐘跑完全馬,女跑手嚟講相當快腳!

林海峰

【大步走】長跑藝人 5字頭林海峰堪稱全港最快 邊個3小時7分跑完全馬?
【大步走】長跑藝人 5字頭林海峰堪稱全港最快 邊個3小時7分跑完全馬?

論快,54歲嘅Jan跑贏唔少後生仔,甚至堪稱全港全馬成績最佳藝人。2018年已經5字頭嘅Jan參加日本琦玉馬拉松,做出3小時13分嘅個人最佳時間,足以令佢夠資格報名參加全球最難入圍嘅波士頓馬拉松。Jan參加過好多海外馬拉松比賽,紐約、東京以至日本關西都有佢嘅足跡。

湯怡

【大步走】長跑藝人 5字頭林海峰堪稱全港最快 邊個3小時7分跑完全馬?
【大步走】長跑藝人 5字頭林海峰堪稱全港最快 邊個3小時7分跑完全馬?

早排宣布大肚兼結婚嘅湯怡,一向都有運動習慣,練出結實腹肌同紮實身型,就連陀B都係長胎唔長肉,羨慕死人。湯怡承諾過如果2個半鐘頭內完成半馬就會跑一次全馬,達標嘅佢於是2019年首次參加渣打馬拉松,當時做出4小時15分成績,比前一年徐濠縈嘅時間更好,仲話想跑多次。但係呢2年渣馬都取消咗,下年估計生完冇耐嘅湯怡,會唔會仲有時間操練?

陳冠希

【大步走】長跑藝人 5字頭林海峰堪稱全港最快 邊個3小時7分跑完全馬?
【大步走】長跑藝人 5字頭林海峰堪稱全港最快 邊個3小時7分跑完全馬?

Edison喺長跑界曾經係一個話題,因為佢2012年參加全馬,跑出3小時55分紀錄。喺未有太多藝人練跑嘅時代,呢個時間可以話係震驚唔少跑友,誓要挑戰呢個時間,甚至將Edison嘅紀錄稱為「陳冠希障礙」!但係當時有報導指,Edison因為唔鍾意個跑手編號,用咗另一個跑手嘅號碼布上陣,惹來外界質疑成績嘅真確性,連大會都譴責。

胡諾言

【大步走】長跑藝人 5字頭林海峰堪稱全港最快 邊個3小時7分跑完全馬?
【大步走】長跑藝人 5字頭林海峰堪稱全港最快 邊個3小時7分跑完全馬?

同陳山聰、姚子羚同屬Crazy Runner成員嘅胡諾言,睇唔出原來都係娛圈有速度嘅跑手之一。胡仔2018同19年都有參加出名難跑嘅渣打馬拉松,2次都喺唔夠瞓嘅狀態下出賽,19年嗰次甚至中途跌親。不過成績相當標青,3小時45分左右完成全程,被譽為「TVB飛人」。

小杰

【大步走】長跑藝人 5字頭林海峰堪稱全港最快 邊個3小時7分跑完全馬?
【大步走】長跑藝人 5字頭林海峰堪稱全港最快 邊個3小時7分跑完全馬?

兩岸三地藝人之中,前棒棒堂成員小杰(廖允傑)全馬成績最接近運動員水平。小杰2018年參加上海馬拉松做出3小時07分嘅時間,賽事仲要係雨中進行,呢個成績真係無得頂。小杰賽前甚至將體重減到56公斤左右,體脂比例降至9%,個身輕啲自然跑得快,難怪咁勁!

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!