【放棄降兩度】張敬軒組「冚家軒」尋親 年中進擊越南開餐廳
張敬軒擔任電訊公司代言人,今日在北角出席宣傳活動,見到佢嘅宣傳廣告片中有五位貌似張敬軒男仔一同拍攝,來自香港、馬來西亞同南非,軒仔笑言:「希望今年可以同新嘅組合『冚家軒』有啲搞作,今次稱得上互相帶挈。」
軒仔話今年會集體國際尋親,尋找同張敬軒似樣嘅人,會喺泰國、菲律賓、越南等地發掘,到時真係世界仔。
軒仔年中會到越南有一段時間,主要開發市場,現在正式跟老師學越南話,軒仔話:「當地好多發展機會,係一個開餐廳好地方,好多大商家同唱片公司都遷移咗過去,我會探索越南。」軒仔話如果工作需要長期留喺越南,都可以考慮在當地置業,在香港買一個好細嘅單位已經可以喺越南買到豪宅,喜歡當地文風。軒仔話:「其實自己都嘗試過推出越南文搞笑MV,可能咬字原因冇人聽得明,嚟緊會正式學。」