【有片】曾傳有財務糾紛｜林雪被問起阮民安即爆粗：關我X事咩！是X但啦！我都唔識呢個人

今日林雪、張繼聰獲邀出席米線店活動，受訪時林雪被問到有否關注阮民安（Tommy）消息，林雪立即扯火回應，似乎激發林雪對阮民安之不愉快回憶！今日林雪、張繼聰出席活動時，本來氣氛愉快，阿聰講音樂又講太太新戲，但林雪就突然被記者問到有沒有留意阮民安消息？林雪立即扯火爆粗：「關我X事咩X你老母X！是X但啦我都唔識呢個人，OK嘛呢個回答？」之後要講其他話題，才恢復氣氛。

其實林雪與阮民安並非不認識，多年前二人曾經與MC Jin一起合唱Rap歌《男士托》，其後Tommy於舉行新碟發布會，林雪都有專程親身支持。然而合作過後，就發生不愉快事件。有傳Tommy向財務公司借了十萬元不還錢，更想將筆數轉介給林雪，雖然Tommy否認消息，但似乎二人關係就此決裂。