【男一變男三】周嘉洛孭飛古裝劇被曹永廉取代？

憑處境劇《愛．回家之開心速遞》上位嘅周嘉洛，早前被指會暫別《愛．回家》，頂替王祖藍為一套古裝喜劇做男一。水鬼升城隍，大家都好期待嘉洛嘅孭飛演出，不過有消息指，該套古裝劇男一原來另有其人，真正男一係曹永廉，而嘉洛只係第三男主角。至於女主角方面，將會落喺已有7年冇拍無綫劇嘅伍詠薇身上。

有傳該劇劇名已改好，叫《痞子殿下》，雖然未有官方證實，但演員配搭確係新鮮。而嘉洛雖然未當上男一，但已升呢上主角位置，前途無可限量。