【轉吓個髮型?】ViuTV出現《大帥哥》主題曲 張衞健上大陸粵語節目獻唱

蘋果動新聞
(電視截圖)
(電視截圖)

張衞健主演嘅劇集《大帥哥》,上星期五(12日)大結局,由頭到尾都冇參與宣傳嘅張衞健,只有喺睇大結局嘅飯局上現身。不過張衞健從來冇放棄幫自己宣傳,噚晚ViuTV播出嘅節目《粵語好聲音2018》入面,張衞健竟然唱《大帥哥》嘅主題曲《大無畏》,難得ViuTV原裝播,完全冇cut到。

張衞健早前除夕夜,為珠江頻道嘅《粵語好聲音2018》做跨年節目嘅嘉賓,而呢一集噚晚喺ViuTV播出,節目中任表演嘉賓嘅張衞健打頭陣,佢仲唱出近日由佢主演嘅劇集主題曲《大無畏》,加埋佢一貫嘅台風跳吓舞,令現場氣氛高漲,難得ViuTV唔介意係友台劇集主題曲,原汁原味照播。

唱完一首快歌,張衞健再唱慢歌《你愛我像誰》,唱完歌例牌同主持人傾兩句。不過有位女主持好問唔問,問張衞健2019年有何新目標,會唔會推出新歌同改吓個髮型?吓!改髮型!本身光頭咗好多年嘅張衞健,難得冇黑面仲搞笑答︰「會轉中間分界嘅髮型,講真我希望2019年喺內地開到我第一次嘅個人演唱會。」睇嚟張衞健食住《大帥哥》嘅勢,繼續幫自己宣傳。

狄奇再現(電視截圖)
狄奇再現(電視截圖)
節目中張衞健唱《大帥哥》主題曲《大無畏》(電視截圖)
節目中張衞健唱《大帥哥》主題曲《大無畏》(電視截圖)
幾有氣勢(電視截圖)
幾有氣勢(電視截圖)
2019想喺大陸開演唱會,張衞健喺現場試水溫。(電視截圖)
2019想喺大陸開演唱會,張衞健喺現場試水溫。(電視截圖)
講到轉髮型,佢話想中間分界。(電視截圖)
講到轉髮型,佢話想中間分界。(電視截圖)

 

你可能還想看