【驚動埋消防】吳綺莉借警尋女 卓林稱母需要睇醫生：真係唔好意思

吳綺莉又報警尋女！據消息指吳綺莉昨晚報警，聲稱油麻地一幢唐樓其中一個單位，有人被反鎖屋內，擔心屋內有人遇害。大批消防人員趕至，事件驚動大廈兩層住戶，後發現虛驚一場，最終收隊。

《蘋果》今日聯絡上卓林，她無奈地說：「其實係我阿媽報警，我都唔知佢想點。」她稱昨晚約11時許，消防人員突然逐家逐戶拍門了解，並問：「有冇聽到有人慘叫？」後來鎖定其單位，她才知是吳綺莉想借警方聯絡她。卓林說：「我都好尷尬，因為太辛苦警察同消防，仲影響埋鄰居同業主，真係唔好意思。」

卓林直言媽媽一直未能接受其妻Andi，母女之間仍需要空間，二人已有兩星期沒有聯絡，但卓林就一直有與吳身邊好友聯絡，她說：「事發前幾個鐘先同一位auntie傾完電話，事後問佢咩事，佢都係完全唔知道，我覺得媽媽係需要睇醫生。」問會否想辦法修補母女關係？她說：「由頭到尾我都要求空間，之前我冇直接聯絡佢，可能佢發脾氣，但今次事件後，我都會覆佢短訊，唔想再刺激佢。」

警方表示，昨晚9點50分，有一名女子報案，對方沒有留個人資料，只稱擔心其19歲的吳姓女兒，懷疑其有危險，警方接報後，搵到目標單位及事主，而事主沒受傷，不用送院，事件調查後列誤會。