【鵬單婚宴】坦承與前度吳君祥保持聯絡 江美儀單拖到場識新仔

蘋果動新聞
坦承與前度吳君祥保持聯絡 江美儀單拖到場識新仔 (攝影:陳俊強)
坦承與前度吳君祥保持聯絡 江美儀單拖到場識新仔 (攝影:陳俊強)

江美儀單拖現身陳展鵬與單文柔婚宴,問到佢係咪嚟識新男伴,江美儀話:「我都會識,但未識到。」再追問佢會唔會喺婚宴中搵新目標,佢話:「全部都係舊同事,希望有啦!承你貴言。」問佢送啲咩俾一對新人,江美儀坦言:「送錢就最實際。」

江美儀又話自己同展鵬已經識咗好多年,喺亞視認識,當時佢都係啱啱出唱片入亞視嗰段時間。問到兩人之間係咪好多合作,江美儀話:「因為亞視唔多作品生產,所以嗰時我哋會相約打羽毛球、打牌咁囉,成立咗亞視體育隊。」

江美儀仲話早排成班朋友約咗展鵬兩公婆一齊食飯,大讚單文柔好聽話,坐喺度唔出聲,個眼神一直都係好仰慕咁望住展鵬。記者問江美儀會唔會太強,喺搵到男伴後會唔會變得柔弱啲?江美儀話:「其實我個人好弱,但對住唔同嘅人有唔同嘅相處方式。」

問到佢有冇同前度吳君祥聯絡,江美儀話:「有,我哋今日先有聯絡過,因為噚晚我喺蘇豪被狗仔隊影相,佢都問我有冇被記者追問,可能我同佢講我今日見到記者佢都會問我嘅。」

講到佢件事好似搞着吳君如爸爸夏春秋(冬叔)咁,江美儀即落閂話:「唔講喇,我唔想越描越黑,其實唔係大家寫到咁差囉。」

江美儀今晚單拖到場,見到袁文傑攬攬合照。
江美儀今晚單拖到場,見到袁文傑攬攬合照。
江美儀話自己會繼續去識男伴
江美儀話自己會繼續去識男伴

其他內容