【不如叫賭城耆英會】《賭城群英會》噚晚首播劣評如潮

由無綫同王晶聯合製作嘅劇集《賭城群英會》噚晚首播，故事講述兩代人喺賭壇上嘅恩怨情仇，一聽就知同王晶之前拍過有關賭嘅電影大同小異。觀眾睇完第一集已經急不及待喺網上討論，就等我地幫大家總結下啦！

1. 演員年紀大
劇集由胡楓 (85歲)、謝賢 (81歲)、陳百祥(67歲)、劉兆銘 (86歲)，馬國明(43歲)、佘詩曼(42歲)主演，淨係四位前輩總年齡已經319歲，而兩個比較後生嘅都已經年過40。難怪網民提議話不如改名做《賭城耆英會》。

2. 悶
無論情節同橋段都同王晶「賭」字系列嘅電影一模一樣，女人、水上派對、賭場鬥爭、報仇，千王之王重出江湖。王大導嚟嚟去去都係呢幾招，搞到班網民都話：「你唔悶我都悶。」

3.劇情老土
OK仔 (馬國明飾) 目睹父親喺賭枱上被人綁架後從此消失，長大後拜師學賭。喺噚晚，胡楓、謝賢同Ming Sir嘅賭局，亦有人被綁架，唔明點解王大導每次賭局一定有親人或者徒弟被人綁架。
另外，四哥一出場就有娘爆配樂，勁似王大導代表作《賭神》咁，每次賭神出現一定有配樂，首配樂都有啲似。
賭神四哥一出場個下飛啤牌切斷大麻繩同埋叻哥自己喺度玩啤牌，勁有王晶90年代STYLE，真係大玩懷舊。

4. 劉兆銘 (Ming Sir) 好型
Ming sir入行咁多年幾乎都係做奸角，佢每次都嘔心瀝血去演繹，不過佢話今次應該係入行以來最奸嘅一次，今次對佢黎講係一大挑戰。睇左一集嘅網民都大讚佢演技征服觀眾，無論係眼神還是語氣都十分有型。

部分網民留言：