李玟離世︳二家姐李思林曾嫁洋人 爆喊自揭離婚導火線︰前夫同老爺呃我錢

李玟離世嘅消息，係由2位姐姐李秋林(Carol)及李思林(Nancy)發佈。李玟嘅二家姐李思林去年曾參加《中年好聲音》，亦因此被稱呼做「二家姐」。有傳李玟同加籍老公Bruce婚姻觸礁，無獨有偶Nancy都曾經有過一段婚姻，對方亦係外國人。

Nancy為胞妹李玟出任經理人多年，工作繁忙令佢即使同新相識男士出街，都要行開講一陣電話，不斷錯過姻緣。不過，Nancy喺四十過後成為新娘，起初以為德國籍老公同其他金融才俊有所不同，識得理解文化差異又夠sporty。但係Nancy回望過去，認為自己將對方唔好嘅一面帶出嚟，畢竟前夫本身生活背景簡單，嚟到香港五光十色，加上有個明星親戚，更加紙醉金迷。前夫變得更追求享樂。

而婚後Nancy遇到醫療事故令佢痛不欲生，前夫成日反而飲醉酒，需要照顧嘅就變成照顧者。至於真正導火線就係前夫藉詞搞生意，夾埋老豆呃Nancy錢，令佢決定離婚。

經歷婚變、醫療事故，Nancy情緒跌落谷底，有2年時間要睇心理醫生，難怪佢都對婚姻都係感嘆「早知唔結」。但亦因為咁，自細熱愛幕前演出嘅Nancy決定參加《中年好聲音》，因為難得有自己鍾意做嘅事可以試。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！