【五大連鎖日式火鍋優惠】低至半價/免費加配/一鍋四款湯底

疫情期間，經歷左個幾月無得晚市堂食嘅日子，相信大家都急不及待同三五知己一齊放工搵食，尤其係Happy Friday！今次著數專員整理左五間連鎖日式火鍋嘅堂食優惠，港九新界都有齊分店，大家終於唔使再捱運費。除左折扣優惠，當中仲有唔少新餐單推出！

日牛涮涮鍋 / 牛八涮涮鍋專門店 2人同行1人半價 早段晚市放題7折

和心集團旗下嘅日牛同牛八涮涮鍋同時推出堂食限定嘅2人同行1人半價放題優惠，所有分店都星期一至日全日提供，除左午市單碟套餐之外，即係午餐晚餐食shabu shabu都同樣有優惠。而且呢兩間餐廳都係主打一人一鍋，方便衞生，幾個同事食lunch一齊打返個邊爐都得喎！

堂食放題原價午市最低成人每位$108，優惠價除開每人只需$81；晚市最低成人每位$168，優惠價除開每人只需$126！

另外，日牛仲有推出星期一至四早段晚市放題7折優惠，6點半前入座就可以用，平日早收工嘅你唔好錯過呀！

晚市原價都係最低$168，7折左只需要$117.6，即係話早段晚市仲平過2人同行！

優惠期：即日起至另行通知
分店資料：日牛涮涮鍋專門店 / 牛八涮涮鍋專門店

牛一 2人同行1人半價 堂食限定 全日供應

牛一推出美國頂級肩胛肋眼放題堂食限定優惠，呢個放題大人原價 $238 (會員) / $248 (非會員) 起，小童及長者就只需 $168，依家2人同行1人半價，岩曬一家大細去食！要留意正價必須以成人價惠顧，加一服務費都要以正價計算，不過同屋企人齊齊食到油香十足嘅靚牛shabu shabu，依然好抵！呢個價錢仲可以揀任食頂級肩胛肋眼或者安格斯牛，鍾意食邊樣都得！

原價成人會員每位$238，除開每位$178.5；成人非會員每位$248，除開每位$186；作為放題晚餐，都算幾抵食！

優惠期：即日起至9月30日
分店資料：請按此

牛涮鍋 信用卡指定套餐堂食放題低至7折 食和牛放題免費試新出4合1「性格鍋」

同溫野菜屬同一集團嘅牛涮鍋亦都同匯豐信用卡有合作優惠，晚市指定美國同澳洲*和牛海鮮套餐分別有85折同7折，星期一至五午市就有9折，即係都係全日都有優惠！（世貿中心分店除外）

7折後晚市每位只需$261起，惠顧世貿中心分店更只需要$253起；但要留意特別日子不適用！

另外，同樣為左吸引堂食顧客，牛涮鍋就搞搞新意思，新推出左四合一嘅「性格鍋」，一個鍋可以試勻4隻新湯底！4款包括麻辣花膠湯，胡椒豬肚湯、椰子雞湯同喇沙海鮮湯，每款仲代表緊一樣特別性格，令本來嘅日式火鍋頓時變左fusion菜，非常有新鮮感！約埋朋友一齊食，就多個話題啦！

只要惠顧日本和牛或以上級數90分鐘放題就可以免費加配；其他級數就可以 +$58 加配！但要留意不適用於一人一鍋！

優惠期：12月19日 (匯豐信用卡優惠)；即日起至另行通知 (免費 / +$58享用「性格鍋」優惠)
分店資料：請按此

溫野菜 信用卡指定晚市堂食定食7折 銅鑼灣店新出22款日本酒放題只需加$128

溫野菜一直同匯豐信用卡合作推廣嘅指定晚市定食7折優惠喺疫情期間仍然適用，分別有2人前同4人前套餐選擇，包括湯底、前菜、野菜、肉 / 海鮮、配菜同埋麵 / 飯。

7折後2人前只需$662.2 (每人$331.1)，4人前只需$1,073.8 (每人$268.5)；但要留意特別日子不適用呀！

另外，為左吸引更多顧客堂食，溫野菜銅鑼灣店最近推出左日本酒放題，全日惠顧任何放題只需 +$128就可以兩小時內任飲22款日本酒，收工同朋友一邊食靚牛一邊嘆酒，一舉兩得！

精選日本酒包括松竹梅白璧藏「花樣吟釀」、南部美人本釀造生貯藏及黑牛 純米 杯裝清酒等等 。

優惠期：12月19日 (所有分店匯豐信用卡7折優惠)；即日起至另行通知 (銅鑼灣店日本酒放題)

分店資料：請按此

牛気 嚴選和牛套餐免加錢食特選鮑魚

雖然就咁食shabu shabu無折扣優惠，但牛気最近就為顧客帶來時令海鮮加入shabu shabu，為堂食帶來更多新鮮感。依家凡惠顧嚴選和牛或以上級別套餐，唔使加錢就可以食到特選鮑魚，配搭埋極上放題附送嘅花膠一齊食，滋補養顏，啱曬女士們呀！

初秋進入海鮮季，shabu shabu時加埋鮑魚就最適合！凡惠顧嚴選和牛或以上級別套餐就可以選配，無需額外收費！

優惠期：數量有限，送完即止
分店資料：請按此