人在外國 如何得知另一半有無曳曳

呢期娛樂圈七國咁亂，就連十優港姐麥明詩都中招，正當佢係深圳拍劇，男人襯機約索女夜蒲銅鑼灣被「斷正」，結果兩人係中環攤牌，點知女方情緒突然變得激動，更當眾喊起上嚟。的確好多情侶或夫婦都視對方出差為「放監」嘅大日子，有人係屋企無限打機、有人約朋友飲野，亦有人堅係約異性出街有異樣，咁究竟出國期間如何得知另一半乖唔乖呢？

1.每日講電話

重點係打去佢屋企講電話，如果屋企無電話，咁唯有whatsapp傾啦，miss call或幾個鐘都唔覆，又或平時唔洗加班，無啦啦要加班，咁你知咩事啦！

2. 睇最後上線時間

第二朝check下佢最後上線時間，如果佢突然之間set到顯示唔到嘅，分明有古怪啦！

3. fb最後上線

好多人都好醒目，玩得夜咗專登唔開whatsapp，唔緊要，開facebook，將頁面拉向左，你就會睇到佢facebook的最後上線，好多人都手多多忍唔住開架。

4. 搵線人

係佢公司或屋企搵個信得過嘅線人，細心留意下佢放工或係屋企時間，睇下同口供敏唔敏合。

不過以上幾個方法都只能作參考，兩口子點都要講個信字嘅，想知佢有無乖乖地，不如真接問佢，睇下佢點答啦，有懷疑或古怪就傾下啦！