人工呼吸 各出陰招 戴祖儀咀周嘉洛 出大蒜強攻

·2 分鐘文章
一個出大蒜,一個生痱滋,冤冤相報何時了呢!
一個出大蒜,一個生痱滋,冤冤相報何時了呢!

周嘉洛、戴祖儀(Joey)及丘梓謙等昨日於數碼港為無綫新劇《回歸》、《曙光》開工,劇情講述Joey為嘉洛做人工呼吸,她搞笑稱會以大蒜「攻暈」對方,而嘉洛也不輸蝕,以口中大痱滋還擊,實行鬥折磨。

場口講述3人於海旁追逐後發生打鬥,期間Joey失足墮海,嘉洛即跳入水中英雄救美,可是卻反過來要Joey替他人工呼吸,問到2人有否為咀戲作事前預備?Joey笑言食定大蒜令對手難享溫柔,不過嘉洛亦是有備而來,Joey搞笑說:「好緊張呀,因為佢好辛苦一直通頂,又一組接一組不停拍,所以口入面生咗勁大粒痱滋,驚佢會傳染。」嘉洛接着說:「畀佢咁講完我仲緊張,勁尷尬添呀,佢咁繪形繪聲,搞到依家有少少開心同興奮,哈哈!」

雖然鏡頭後嘻嘻哈哈,不過到正式拍攝時兩人都非常專業,人工呼吸戲只需幾Take便完成。而Joey早前拍《不可能任務》時右腳拗柴,到現時仍未完全康復,她說:「由今朝7點開始拍,一直着住高踭鞋跑,依家似有啲復發痠痛,不過拍緊時唔覺嘅,今晚應該要浸個熱水浴,聽日放假去針灸,好有效。」

否認與蘇韻姿冷戰

另外,有指嘉洛與緋聞女友蘇韻姿處於冷戰狀態,問到他現時感情狀況時,他說:「絕對冇感情可言,拍劇拍到沒日沒夜。(咁係咪冷戰?)傳聞嚟啫,仲要好耐之前啦!從來都冇呢啲事,從來都同佢冇任何嘢,大家係好朋友。」

戴祖儀與周嘉洛先被照頭淋,然後濕晒身上演嘴對嘴的好戲。
戴祖儀與周嘉洛先被照頭淋,然後濕晒身上演嘴對嘴的好戲。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能