「他媽哥池」潮物回歸? 復刻版+新版一齊夾攻

  80後可能都見證過,「雞仔機」他媽哥池喺90年代嘅風潮。   幾十蚊隻炒到過千,拎出街玩當堂有人望住, 仲可以話係為打後嘅數碼暴龍奠定根基。   一件潮物,擺低二十年就會潮多轉。 Bandai上年就推出返復刻版他媽哥池,同當年玩法一樣, 餵雞、開燈、熄燈、執屎、陪玩, 養得唔好會死,養到佢百年歸老㩒個掣就可以再生。 對比起而家手機game,好唔好玩見仁見智, 價錢大約300蚊,買嘅都係回憶。 而Bandai早排宣布會喺今年暑假,推出新一代Tamagotchi On。 玩法大同小異,不過變化多好多, 首先部機係彩mon,唔再係以前一格格嘅pixel; 而且雞仔外表係根據「父母」特色遺傳落嚟,玩家亦可以幫手「整容」, 唔再係以前咁得幾款選擇。 場景多咗出街食飯、去公園玩、行街shopping, 仲有得接駁其他玩家及手機app,識新朋友、玩遊戲賺分甚至結婚!   同湊大一個小朋友一樣,以前搞掂衣食住行就得,而家? 好多活動要幫佢安排! 原文傳送門 新「他媽哥池」官網