任賢齊大賊梳乎歎咖啡

郭富城、任賢齊（小齊）及林家棟在新片齊齊做大賊，城城經常在大街小巷拍攝追逐及槍戰戲，小齊與家棟則很少「陪跑」，反而有不少室內戲。小齊日前趁未埋位，拍下有趣的歎咖啡短片，優哉游哉，片中他感激茶水姐姐「蓮姐」這位重要功臣，原來對方大有來頭，曾奪得第37屆香港電影金像獎專業精神獎，小齊表示：「當我哋喺荒山野嶺拍戲，又餓又渴時，全靠茶水姐姐送上熱辣辣嘅咖啡，嗰種感動、鼓勵真係非常重要！」

至於同片的女將張可頤雖然亦有追逐戲，但明顯比城城少得多。2人早前在廟街開工，城城拍攝掟手榴彈的戲份，不用埋位的她站在一旁睇影碟和海報，忙裏偷閒。