佘詩曼楊茜堯傳返TVB拍劇救收視 相隔13年再合作上演時裝版《宮心計》

佘詩曼楊茜堯傳返TVB拍劇救收視 相隔13年再合作上演時裝版《宮心計》
佘詩曼楊茜堯傳返TVB拍劇救收視 相隔13年再合作上演時裝版《宮心計》

TVB近年鬧「花旦荒」,最近唐詩詠及鄭裕玲Do姐都相繼離巢;有傳TVB為救亡,不惜重金禮聘邀請佘詩曼(阿佘)及楊茜堯(前名楊怡)擔任新劇雙女主角。而佘詩曼曾於早前受訪時,被問到會否返娘家,佢就直言若遇到好劇本,唔排除會返TVB再拍劇。

呢次消息來自於一個新開IG帳號「stephen._.chow」嘅帖文,該PO主表示:「Do姐一走,TVB即搵佘詩曼、楊怡回巢拍『新聞女郎』,三分鐘前聽到,據說都傾得七七八八,呢次鍾澍佳叻仔,料係咁多,屋企煲落湯趕住睇火,信不信由你」。據悉,新劇名為《新聞女郎》,將被鍾澍佳監製,並以美劇《晨早直播室(The Morning Show)》作藍本。

如果消息屬實,將會係佘詩曼與楊怡繼2009年《宮心計》後再聚首合作嘅一次,簡直係時裝版《宮心計》,同時絕對係收視保證。事關佘詩曼早年有份參演嘅《延禧攻略》、《燕雲台》等內地劇集於TVB播出時收視高企,《延禧攻略》大結局高達39.2點,更成為2018年最高收視劇集。而楊茜堯就於2009年憑《宮心計》勇奪「我最喜愛的電視女角色」與「最佳表現大獎」兩大獎;今年頭播出嘅《家族榮耀》又被讚演技大爆發。

佘詩曼
佘詩曼
佘詩曼
佘詩曼
佘詩曼
佘詩曼
楊茜堯
楊茜堯
楊茜堯
楊茜堯
《家族榮耀》劇照
《家族榮耀》劇照

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!