佘詩曼趕得切「七魔女」聚首

藝人佘詩曼、梁靖琪（Toby）日前終於完成劇集《家族榮耀之繼承者》在馬來西亞的外景拍攝，返港後兩人即為好姊妹姚樂怡慶生，平時「七魔女」各有各忙，今次難得合體，實屬難得。阿佘將大合照放於社交網，更Hashtag「終於合體」、「笑死我」，相信今次生日派對聚會必定滿載笑聲。

阿佘昨日受訪時說：「好在馬來西亞拍攝部分如期煞科，咁我哋就趕得切返嚟同樂怡慶祝生日，七魔女可以合體真係好開心，我哋都好珍惜大家嘅友誼，真係難能可貴。」阿佘又透露《家》劇10月會開始在港的拍攝部分。