俄妹無證無機票照飛 超然特權？

早前有港女為咗去韓國追星，無機票之下，自己入咗登機閘口。原來呢D情況唔算少見，近期一名只得11歲嘅俄羅斯少女，身上冇帶證件，亦冇買機票，去到機場，通過安檢同登機閘口，自己一個就上咗一班由莫斯科飛聖彼得堡嘅航班，到達目的地先被人發現。成件事聽落去，真喺好詭異，萬一係恐怖份子點算呀？幸好，今次事件嘅少女，純粹未搭過飛機，出於好奇，所以走去機場。

【立即讚好】全新 Yahoo 旅遊 Facebook 專頁
Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊！

莫斯科伏努科沃國際機場(Vnukovo Airport)嘅職員表示，果位少女係跟住一個大家庭一齊安檢同登機，當中都有其他小朋友，最終就咁被蒙混過到關。而且，上到機，見到空位就坐低，所以冇人察覺到佢有可疑。說話係咁講，但混入群眾，就可以避開安檢嫁啦？

相片來源：bestie-mensch @tumblr
航空公司表示，安檢程序係機場責任，事件顯示保安響起「嚴重警號」。

相片來源：hyperform @tumblr
俄女放學後冇返屋企，屋企致電搵女，果陣已經降落聖彼得堡機場，再通知機場職員先搵到當時喺機場一個人流連緊嘅少女。

相片來源： l-aeroport @tumblr
近來香港機場保安程序受連翻挑戰，先係龍蝦女漏行李事件，之後仲有21歲港女追韓星，無機票成功闖禁區。

更多相關文章

穆斯林女乘客被趕落機 宗教原因？

點解搭飛機唔用得電話?

機上五大討厭行為 唔介意被尊尼特普霸佔扶手