傅嘉莉人氣不敵方紹聰

藝人傅嘉莉、鍾晴及陳約臨早前為方紹聰（奶仔）主持的J2台節目《野外步出2》擔任嘉賓，鍾晴及陳約臨踩越野單車，期間鍾晴落山坡時，因衝力太大嚇到喊，不過奶仔指陳約臨更大鑊：「佢試過翻車，差啲成架越野單車撼落頭度，好彩最後冇撼到，真係好險！」

至於傅嘉莉除了穿潛水裝上陣，亦着休閒裝到郊外親親大自然，但其人氣不敵奶仔，拍攝期間，不少市民爭相跟男方談「行山經」，但傅嘉莉未有介懷，昨日網晒水着相為節目造勢。