傅穎返港外貌再進化 變靚到愛貓唔認得現黑人問號表情拒絕抱抱
傅穎(Theresa)近年長駐內地發展,曾拍攝內地劇集如《午夜蝴蝶》、《芙蓉錦》、《通天狄仁傑》、《祝卿好》及網絡電影《齊天一聖.無雙》等,發展不俗。傅穎不時都會於社交平台分享生活影片,日前佢就藉返港之際再次與網民分享近況。
傅穎趁空檔快閃返港,呢趟旅程除咗與朋友和家人見面,更去咗洗牙及美容扮靚。不過,唔知係咪太耐冇返屋企,就連愛貓瓜瓜都唔認得佢。傅穎表示愛貓瓜瓜係心中最帥嘅小貓咪,但係瓜瓜眼神帶住黑人問號,甚至唔畀傅穎抱抱。經過一輪相處之後,瓜瓜先至認得傅穎陣氣味記得返佢,一班網民都戥傅穎感到高興。傅穎曾被網民大讚平日打扮造型年輕,38歲睇起上嚟似16歲;而網民亦喺今次影片中留意到傅穎變得愈來愈靚,皮膚緊緻白滑,大讚保養得宜:「覺得好神奇,以前讀書時你係青春偶像,我以為你會到差唔多時候結婚生B, 點知宜家到我做人媽咪了,你仲係甘青春甘靚,事業又好,獨立又美麗」、「好靚靚 還是心目中的女神」、「姐姐皮膚好好,平時化妝嗎」、「我又來看你啦,美美美,真好看」等等。
按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!