傳馬在驤與外籍女友分手 與好兄弟撻着惹hehe疑雲

馬在驤
馬在驤

被譽為「最型星二代」嘅馬在驤(Xiang),同爸爸「馬神」馬德鐘一樣生得高大威猛,上年更被爆出已封盤,與大學同學兼游泳健將Marissa拍拖,不過最新消息指佢哋已經分咗手一段時間,而馬在驤更傳出疑似有新戀情,與大學泳隊好兄弟撻着,惹嚟hehe疑雲。

今年24歲嘅馬在驤,日前喺社交網站分享大學畢業相,而其中一張就係著住畢業袍嘅馬在驤親吻外籍友人嘅面珠墩,並寫上:「Boyfie just graduated」,Boyfie嘅意思即係boyfriend 加 wifey,因此惹嚟hehe疑雲。報道亦指相中外籍男子係馬在驤嘅大學泳隊好兄弟。另外,有消息指馬在驤與前女友Marissa已經分咗手一段時間,未知係唔係同異地戀有關。

馬在驤係一名運動健將,6歲開始習泳,仲參加過學界及唔少游泳比賽均屢獲獎項。喺讀緊書嘅時候,佢已經話對工程同埋娛樂圈幕前工作都有興趣。所以佢除咗曾擔任國際時裝品牌模特兒之外,亦喺《我家無難事》首次與爸爸以父子檔上陣飾演馬德鐘年輕版,雖然冇同框嘅戲份,但仍成為劇集最大嘅賣點,不過唔少網民都話囝囝個樣比爸爸更加成熟,當時更有網民指佢嘅樣貌與有「神之手」之稱嘅日本AV男優加藤鷹撞樣。另外,爸爸不時喺抖音上載影片,都有搵囝囝客串,不過網民就話爸爸比囝囝靚仔同後生。

馬在驤
馬在驤
馬在驤
馬在驤
馬在驤
馬在驤
馬在驤
馬在驤
馬在驤
馬在驤
《我家無難事》截圖
《我家無難事》截圖
馬德鐘抖音影片截圖
馬德鐘抖音影片截圖
馬德鐘&馬在驤
馬德鐘&馬在驤

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能