先達佬疑自製大量後門貨假象壓低回收價，被踢爆了！

iPhone 6s 香港行貨聽日25號就會正式應市，呢兩日相信大家都十分緊張首日回收價會是幾多。琴日我地同很多網站一樣都報導左由先風數碼所“預計”出來的回收價，結果應該令到唔少人失望。而隨後佢地仲喺Facebook上傳多張大貨到相，並講明是後門貨，疑似想暗示貨量多回收價必低，結果被眼利高登仔踢爆有古怪。

琴晚先風數碼先在Facebook上傳多張iPhone 6s首批到貨情況的照片，並話係香港各大行已經到貨！

有網友就隨即問各大行係指咩，先風數碼都好老實地答係「後門貨」：

批相上傳冇耐，已經俾各大網媒科技網站轉貼，引起一陣陣嘩然，唔少網友都估緊如果先達佬有後門貨，咁個回收價實係低到不得了。一過，眼利嘅高登仔就踢爆批相有古怪。

高登仔查到，呢排相原本係由來自手機批發商J2 International Limited，而先風數碼所上傳的相唔知有意定無意，部份員工身穿著Logo的制服竟被Cut走：

事件曝光後，網友推猜咁做有兩個可能性。第一就係想借假消息來製造煙幕，從而令回收價大跌，佢地就可以低收高放賺到盡。第二個可能，就係批貨真係由J2 International Limited預先出俾佢地。至於邊個可能性較高呢？就留俾大家去判斷啦！

此文章「 先達佬疑自製大量後門貨假象壓低回收價，被踢爆了！ 」原刊於 Qooah.com

為您推薦更多相關文章：